50 persona kanë gjetur vdekjen dhe 150 të tjerë po kurohen në spital, si pasojë e zjarrit të madh që ka përfshirë dje pyjet e Athinës.
Autoritetet greke kanë shpallur gjendjen e jashtëzakonshme në pjesët lindore dhe perëndimore të Athinës. Ndërkohë kryeministri grek Aleksis Tsipras,anuloi vizitën e planifikuar për në Bosnje.
Vatrat e mëdha të zjarrit kanë shpërthyer në periferi të Athinës mesditën e djeshme dhe u përhapen me shpejtësi në disa nga lagjet më të populluara të kryeqytetit grek.
Sipas mediave të vendit fqinj, një vatër zjarri ka shpërthyer fillimisht rreth orës 13:30 në një masiv pyjor në Kineta, Atica dhe është përhapur me shpejtësi nga era në lagje të tjera duke lënë pas shkatërrim dhe viktima.
Mësohet se Kryqi i Kuq ka gjetur 26 trupa të pajetë në kopshtin e një vile. Për fat të keq, shumë prej viktimave janë fëmijë, mes të cilëve dhe një foshnje 6 muajshe.
