Një video e Elvana Gjatës duke shëtitur me një automjet luksoz në rivierën franceze bashkë me një mashkull që besohet se është i dashuri i saj, bëri bujë këtë të premte.
Kjo ishte hera e parë që Elvana na tregoi fytyrën e të dashurit, edhe pse prej dy vitesh tashmë përflitet për një lidhje me një të ri që bën jetë luksoze.
Dhe në fakt burimet për “iconstyle.al”, konfirmojnë se i dashuri i Elvana Gjatës është djali i një biznesmeni të njohur, pronar i një hoteli luksoz në Tiranë.
Burime për “iconstyle.al” tregojnë se Elvana dhe i dashuri i saj janë parë bashkë nën shoqërinë e familjarëve të tyre duke drekuar në restorantin e hotelit, duke e bërë kështu lidhjen serioze.
Dhe në fakt gjërat janë bërë shumë serioze mes tyre, pasi pak ditë më parë miku i Elvanës, Valdrin Sahiti publikoi në Instagram një video me një unazë diamanti, në të cilën etiketonte Elvana Gjatën.
Prej disa kohësh, ai është prezantuar me grupin e ngushtë shoqëror të Elvanës, pasi kaluan disa ditë pushimesh bashkë me Ermal Mamaqin, Amarda Toskën dhe Almeda Abazin me bashkëshortin e saj Tolgahan.
Burime pranë çiftit rrëfejnë për “iconstyle.al” se partneri i Elvanës nuk dëshiron të jetë në qendër të vëmendjes së mediave, duke u munduar të ruajë një profil të ulët në publik, ndryshe nga e dashura e cila është një prej këngëtareve më të famshme.
Çifti aktualisht ndodhet me pushime dhe po i shijojnë në maksimum këto ditë duke bërë me xhiro me helikopter dhe shëtitje me automjetin luksoz në juglindje të Francës.
