Miq, të afërm, familjarë dhe personalitetet politike i kanë dhënë sot lamtumirën e fundit akotrit Fadil Hasa, i cili u nda nga jetën ditën e djeshme pasi vuante nga një sëmundje e rëndë.
Homazhet për artistin e madh u mbajtën në hollin e teatrit “Aleksandër Moisiu” në Durrës, ku familjarët pritën ngushëllimet e përzemërta dhe vlerësimet për humbjen e madhe.
Të prekur nga ndarja nga jeta e artistit të merituar, ata kanë shprehur vlerësime për aktorin që bëri të qeshë me vite me radhë breza të tërë shqiptarësh.
Në homazhe ka marrë pjesë edhe kryetari i Partisë Demokratike, Lulzim Basha dhe ish-kryeministri, Sali Berisha.
