Ditën e sotme në orën pesë të pasdites do të mbahet ndeshja finale mes Francës dhe Kroacisë për Kupën e Botës në Moskë. Didier Deschamps mund të shkruaj emrin e tij në histori si personi i parë që ka çuar Kupën e Botës në Francë për të tretën herë, si lojtar dhe si trajner.
“Është një kënaqësi dhe privilegj të jem këtu dhe dua t’i them skuadrës sime se nuk ka ndjesi më të bukur sesa të fitosh Kupën e Botës. Por kam vetëm tre këshilla për ta: qëndroni të qetë, kini besim dhe përqëndrouni” – është shprehur trajneri i Francës.
Deschamps theksoi se ka besim tek skuadra e tij, për të fituar në ndeshjen e sotme edhe përse Kroacia është një skuadër e fortë. Franca mundi Argentinën, Urgujin dhe Belgjikën, ndërsa Kroacia u përball me Danimarkën, Rusinë dhe Anglinë, ku triumfoi.
Kjo është hera e parë që Kroacia merr pjesë në finalen për Kupën e Botës, nga tetë pjesëmarrjet e saj në këtë kompeticion. Trajneri Zlatko Dalic është shprehur krenar për këtë arritje.
“Është finalja e Kupës së Botës dhe lojtarët e dinë se çfarë do të thotë. Gjëja që më bën shumë të lumtur është se lojtarët e mi më tregojnë kur nuk ndihen 100 për qind të sigurtë që unë të marr masa. Sot ne do të jemi të lumtur dhe krenare, pavarësisht rezultatit, pasi e meritojmë” – tregoi ai.
Franca dhe Kroacia janë përballur pesë herë me njëra-tjetrën, ku Franca ka fituar tre nga këto ndeshje ( 1998, 1999 and 2000) dhe dy prej tyre kanë qënë barazim (2004 dhe 2011).
Sakaq, “Sky Sport” shkruan se probabiliteti që Franca të shpallet fituese e Kampionatit Botëror është me e madhe sesa ajo e Kroacisë, por gjithçka mund të ndodhë.
Janë realizuar 20 ndeshje finale për Kupën e Botës, ku Brazil është shpallur fituese pesë herë:
1930 – Uruguai
1934 – Itali
1938 – Itali
1950 – Uruguai
1954 – Gjermania Perëndimore
1958 – Brazil
1962 – Brazil
1966 – Angli
1970 – Brazil
1974 – Gjermania Perëndimore
1978 – Argjentina
1982 – Itali
1986 – Argjentina
1990 – Gjermania Perëndimore
1994 – Brazil
1998 – France
2002 – Brazil
2006 – Itali
2010 – Spanjë
2014 – Gjermani
