Zonja e Parë, Melania Trump bëri një hyrje spektakolare e veshur me një fustan në ngjyrë të verdhë nga J. Mendel në darkën e mbajtur në Pallatin Blenheim, me rastin e vizitës së çiftit presidencial në Britani.
Zgjedhja e ngjyrës së verdhë, një ngjyrë e preferuar e Mbretëreshës Elizabeta II, ishte e qëllimshme dhe u bë në nder të madhërisë së saj.
Si gjithnjë Melania spikati me elegancën si Zonjë e Parë e Amerikës. Pas nuk mebtej kryeministrja britanike Theresa May, e cila ndryshe nga veshjet e përditshme, kishte respektuar Kodin dhe kishte veshur një fustan të kuq të gjatë.
Pas darkës, Trump do të udhëtojë në rezidencën zyrtare të ambasadorit të SHBA, Winfield House në Parkun Regent të Londrës, ku do të kalojë natën.
