Mediat angleze kanë bërë të ditur se futbollisti shqiptar Xherdan Shaqiri është blerë nga skuadra e Liverpool-it. Ylli i Stoke City-t mësohet se është blerë nga ekipi i Liverpool-it për një shifër marramendëse prej 13. 75 milionë paund.
Shaqiri fillimisht ka luajtur me skuadrën e Interit, nga e cila më pas u transferua në Premier Ligë tek skuadra e Stoke City. Me këtë skuadër ai zhvilloi 100 ndeshje gjatë të cilave ka shënuar 18 gola.
Mirëpo tashmë duket se fati i buzëqeshi futbollistit shqiptar dhe ai do të jetë pjesë e ekipit të madh anglez Liverpool. Mësohet se ai ka pasur oferta nga e gjithë Europa, pas rënies nga Premier League e Stoke City, por sapo Liverpool shfaqi interesin ndaj tij, ai vendosi të bëhej pjesë e kësaj skuadre.
Trajneri i Liverpool beson se një sulmues si Shaqiri i nevojitet skuadrës për të shtuar thellësinë e saj.
26-vjeçari shqiptar ishte edhe pjesë e Kupës së Botës së Rusisë, një eksperiencë që përfundoi pas humbjes që pësoi skuadra e Zvicrës ndaj asaj të Suedisë.
