E keni parasysh atë ndjenjën? Kur zgjohesh duke nxituar, fillon të vishesh dhe
mendon se je duke veshur rrobat e duhura deri në momentin kur del nga shtëpia dhe
thua ‘çfarë po mendoja kur u vesha kështu?!’. Epo le ta pranojmë, të gjithëve na ka
ndodhur.
Nëse një natë më përpara do të ishit ulur vetëm 15 minuta për të gjetur veshjen tuaj
atëhere sot nuk do të ishit duke përgatitur çdo gjë me shpejtësinë e një superheroi dhe
nuk do të pendoheshit rrugës për në punë për pantallonat e rrudhosura apo
kombinimin e çuditshëm të veshjes.
Por, ashtu si çdo ushtrim…pjesa më e vështirë është të fillosh të tregohesh i
përgjegjshëm për zgjimin herët më pas pjesën tjetër e kemi lehtësuar ne për ju.
Ja çfarë mund të bëni:
Përpara se të filloni: krijoni luksin e të paturit një pasqyrë ku mund të shiheni i gjithi
nëse ende nuk e keni një të tillë. Sigurohuni të vendoset në një zonë të ndriçuar mirë.
1. Kontrolloni motin dhe zgjidhni veshjen në varësi të tij.
2. Mos lini asgjë jashtë- vendosni këpucët, çorapet, rripin, orën dhe syzet e diellit.
3. Hekurosni rrobat nëse është e nevojshme
4. Përdorni varëset e rrobave në një vend enkas për veshjen e ditës.
5. Bëni disa hapa mbrapa dhe mendoni se si do të dukeni me atë veshje. Koha ju
del pasi puna është 10 orë larg e jo 10 minuta kështu keni hequr një stres të
madh nga dita juaj.
Nëse ja dilni, sot do të jetë dita e fundit që shkoni vonë në punë duke djersitur me
ankth se si dukeni me rrobat që zgjodhet në mënyrë aq rastësore.
