Për herë të parë, kemi një pamje të plotë të familjes së Princit William, e për këtë duhet të falenderojmë vogëlushin Louis, i cili është i pesti në rradhë për fronin.
Familja u nis drejt Katedrales Mbretërore në Pallatin e Shën Jakobit, për të marrë pjesë në pagëzimin e vogëlushit 11-muajsh. Dukesha Kate Middleton mbante në krahë vogëlushin Louis, i cili po flinte paqësisht në krahët e saj, teksa u pagëzua pasditen e së hënës në një ceremoni private mes miqve dhe familjarëve. Në krah të saj qëndronte bashkëshorti Princi William, i cili mbante pranë vetes Princin George dhe Princeshën Charlotte, duke realizuar foton e parë familjare në publik.
Disa minuta më pas mbërritën edhe Princi Harry me bashkëshorten e tij, si dhe James dhe Pippa Matthews.
Pasi qëndruan 40 minuta në Katedralen Mbretërore, William, Kate dhe të gjithë të pranishmit u nisën drejt Clarence House, ku do të priten me tortë dhe çaj, për të realizuar fotot e mrekullueshme.
