Aktori i njohur i humorit shqiptar Rezart Veleshnja njihet gjerësisht për disa nga rolet e tij në “Portokalli”.
Roli i tij si “Vani nga Zona e Brrylit” ku imiton moderatorin Arjan Çani duket se pëlqehet shumë nga ky i fundit, aq sa sonte e ka ftuar në “Zonë e lirë” për ta imituar.
Pasi kaloi situata e humorit në emision ku aktori bënte rolin e Çanit, ata ju kthyen seriozitetit në intervistë dhe Veleshnja foli për eksperiencën e tij në “Portokalli”.
Ai tha se deri tani ka luajtur rreth 52 role në spektaklin e humorit dhe më tej i ngacmuar nga Çani ai zbuloi edhe rrogën live.
“A është e vërtetë se e ke rrogën 4 milion e gjysëm lekë në “Portokalli”? – ishte pyetja e Çanit drejtuar aktorit.
“Një më pak, ‘Top Channel’ gjithmonë ka paguar shumë” – u përgjigj Veleshnja.
Më në fund aktori e tregoi publikisht duke hequr të gjitha dyshimet për rrogën e tij të shumëpërfolur.
