Bleona Qerreti është një nga këngëtaret më të famshme shqiptare , e cila përflitet shpeshherë në mediat rozë për jetën dhe projektet e saj artistike.
E ftuar sot tek “Zonë e lirë” Bleona u pyet edhe për fenomenin e famshëm të ngrirjes së vezëve, që pak kohë më parë bëri bujë në të gjitha portalet shqiptare. Ajo tha se ndihej e fyer dhe është prekur shumë nga reagimet paragjykyese të shqiptarëve për vendimin e saj.
“Nuk doja të humbisja mundësinë për t’u bërë nënë” – u shpreh ajo në emision.
Menjëherë më pas në ekran është shfaqur një video e aktorit të humorit Rezart Veleshnja, ku duket duke imituar këngëtaren në të gjithë procesin e ngrirjes së vezevë që ajo e publikoi vetë në Instagram.
Kjo gjë e acaroi tepër Bleonën e cila e quajti ‘injorant’ aktorin dhe u ngrit të dilte nga studio, por menjëherë drejtuesi i emsionit Arian Çani e ka zbutur situatën për ta kthyer në vendin e saj.
Ajo u kthye duke thënë: “Është turp të flitet për këtë çështje. Nuk ka lidhje me qetësinë. Është skandal Arian, është injorancë shumë e madhe.Nuk e di unë çfarë bën ai, ai bën mirë të zhduket. Këtej flasim për emancipimin e femrave, këtej del një debil që është mashkull, që s’ka lidhje me këtë punë”.
