Kanë dy fëmijë, por asnjëri nuk i do dy prindërit nga Korça, të cilët kanë mbetur në rrugë pasi nuk kanë ku të shkojnë.
Historia e trishtë e dy të moshuarve ka prekur zemrat e të gjithëve, pasi dy fëmijët e tyre i kanë nxjerrë në rrugë. Ata tregojnë për “JOQ” sesi mundohen të gjejnë ndonjë strehë të mirë poshtë një peme për të qëndruar, tani që dhe reshjet nuk kanë të ndalur.
Bashkia u ka premtuar strehim, por deri më tani ata ende nuk e kanë një strehë ku të flenë:
“Po ja të shohim për ndonjë pemë, rrimë poshtë saj, pse ku të vemi. Kemi dy ditë që endemi rrugëve dhe as policia nuk na bën derman, i kam njoftuar por asgjë”, shprehet i moshuari. Ushqehemi me lekët e pensionit. S’kemi shtëpi fare, na kanë nxjerrë edhe djali edhe çupa, të dy. Bashkia na tha se do na strehonte sot, por hiç asgjë. Dje fjetëm në hotel. Na dhanë nga 4-5 veta nga 1 mijë lekë, 2 mijë lekë dhe bëmë 10 mijë lekë. Por sonte jemi në krizë fare”, shprehet i moshuari në videon e dërguar nga një qytetar tek “JOQ”.
