Ndërsa ishin shprehur se kishin gjetur dashurinë e vërtetë te njëri-tjetri, romanca e tyre mori fund. Këngëtari Sam Smith raportohet se u nda nga i dashuri i tij, aktori Brandon Flynn.
26-vjeçari ishte në një lidhje me aktorin e serialit “13 Reasons Why” prej nëntorit të vitit të kaluar, por çifti duket se i ka dhënë fund marrëdhënies në javët e fundit.
Një burim tha për “The Sun”: “Sam dhe Brandon ishin në një romancë të vërtetë. Ata me të vërtetë u dashuruan me njëri-tjetrin. Por të dy janë kaq të zënë duke iu përkushtuar karrierës dhe për fat të keq gjërat thjesht nuk funksionuan”.
Sam, i cili ka fshirë disa foto të çiftit nga rrjetet e tij sociale, thuhet se është i shkatërruar pas ndarjes, pasi 24-vjeçari Brandon ishte romanca më e rëndësishme që kishte patur ndonjëherë.
Burimi shtoi: “Sam është i shkatërruar. Kjo ishte marrëdhënia më e rëndësishme që kishte pasur ndonjëherë. Fatmirësisht ai është në turne nëpër SHBA dhe kjo është një hutim për të për momentin”.
Lajmi erdhi pasi këngëtari u pa duke kalur një mbrëmje me një grup shokësh.
“Nuk mund ta besoja që ishte duke pirë. Ishte në një gjendje shumë të rëndë, nuk njihej”, tha një dëshmitar.
Burimi: Daily Mail
