Një aksident i rëndë ka ndodhur mëngjesin e sotëm në vendin e quajtur “Plepat” në Durrës, ku një automjet tip “Golf” ka humbur drejtimin për t’u përplasur me një tjetër automjet.
“Balkanweb” njofton se automjetet përfunduan në një stacion autobusi nga përplasja. Tre personat që ndodheshin në mjetin tip “Golf” janë plagosur.
Mes tyre dyshohet se ndodhej edhe një grua shtatzënë. Personat janë nisur menjëherë për ndihmë mjekësore ndërsa mësohet se janë jashtë rrezikut për jetën.
