Aktori Carlos Lopez Jr, i cili është i njohur për rolin e tij në serialin “Operation Repo”, u gjet i pa jetë nga shoku i tij në banesën e tyre në qendër të qytetit Los Angeles.
Sipas “TMZ”, shoku thirri menjëherë shërbimet e emergjencës, por 35-vjeçari kishte ndërruar jetë në vendngjarje.
Shkaku i vdekjes ende nuk është konfirmuar, por dyshohet të jetë vetëvrasje pasi në banesë u gjet arma dhe një letër lamtumire që kishte lënë aktori.
Carlos kishte postuar tre ditë para se të ndërronte jetë, një fotografi të tijën në Instagram dhe nuk kishte dhënë asnjë shenjë depresioni.
Vendimi i tij për t’i dhënë fund jetës ka trishtuar shumë fansa dhe familjarë.
Ai ka luajtur në “Operation Repo”, nga viti 2012 në 2014-n, dhe pati disa role të vogla në seriale televizive si “iCarly” dhe “CSI: Cyber”.
Kohët e fundit, ai luante një shef të CIA-s në filmin e Tom Cruise, “American Made”.
