Luana Vjollca është një ndër moderatoret shqiptare më të komentuara. Ajo di të jetë gjithmonë në qendër të vëmendjes me veshjet e saj provokuese, apo edhe me projektet e saja profesionale.
Vetëm pak kohë më parë Luana publikoi këngën e saj më të re në bashkëpunim me këngëtarin e njohur të muzikës popullore, Bujar Qamilin. Ndërsa është duke shijuar suksesin e këngës “Mi dhe flakë mallit tim”, Luana i ka surprizuar të gjithë ditën e sotme duke publikuar në Instagram dy foto ku shfaqet e veshur me kostum popullor.
Me sa duket atmosfera e krijuar së fundmi në vendin tonë pas ndeshjes Serbi-Zvicër, ku dy futbollistët shqiptarë shënuar dy gola, ka përfshirë edhe Luanën, e cila e veshur me një kostum tradicional ka shprehur dashurinë e madhe që ka për Shqipërinë dhe Kosovën.
“Ti Shqipëri më jep nder, më jep emrin shqipëtar!”, shkruan në njërën prej fotove Luana.
“Kosovë o vendi i famshëm i trimnis, Kosovë o lule e bukur e Shqipërisë! Ti bjeshkat plot Vjollca rreth i ke…”, shkruan Luana në një foto tjetër.
