Dy futbollistët shqiptarë të kombëtares së Zvicrës, Granit Xhaka dhe Xherdan Shaqiri kanë ngritur në këmbë tifozët zviceranë dhe ata shqiptarë në mbarë botën mbrëmjen e sotme, pasi dy yjet e futbollit kanë shënuar dy gola në ndeshjen kundër Serbisë, duke i dhuruar fitoren Zvicrës.
Pas disa përpjekjeve drejt portës serbe i pari që shënoi gol ishte futbollisti Granit Xhaka duke barazuar skuadrën serbe. Menjëherë pas kësaj ai festoi i lumtur duke bërë me duar shenjën e shqiponjës, gjest i cili acaroi mediat serbe.
Gjithashtu pas tij ishte futbollisti tjetër shqiptar Xhardan Shaqiri i cili shënoi një tjetër gol kundër Serbisë duke vulosur fitoren me rezultatin 2-1. Ashtu si dhe Xhaka edhe ai festoi duke bërë me duar shenjën e shqiponjës.
Ndërkohë media serbe “Blic.rs” të revoltuar shkruajnë: “Xhaka barazon dhe provokon turpshëm. Shaqiri goditi traversën e portës”.
