Asie e Destan Neziri, ndodhen jashtë rrezikur për jetën, pasi u masakruan me thikë një ditë më parë nga djali i tyre 25-vjeçar Hajri Neziri, në qytetin e Durrësit. 75-vjeçari gjendet në repartin e kirurgjisë, ndërsa bashkëshortja e tij Asie pritet të dalë nga reaminiacioni gjatë ditës së sotme.
I moshuari tregon se do të falë djalin për veprimin e rëndë, pasi reagoi në zemërim e sipër. Fillimisht, ai goditi disa herë me thikë nënën e tij dhe më pas të atin, i cili po mundohej t’i ndante.
“E fal, sepse nga fëmija çfarë nuk pret” – tregon Destan Neziri nga krevati i spitalit.
Për “News 24” ka folur edhe vëllai i autorit Fisnik Neziri, i cili rrëfen se ngjarja ka ardhur si pasojë e depresionit dhe papunësisë.
“Një moment, gjendje depresioni. Nuk mund t’i japim shpjegim. Nuk e kuptojmë dot se si ka ndodhur. Çuni është shumë i urtë. Babi e mami nuk kanë pasur probleme ndonjëherë” – tregon Fisniku.
25-vjeçari me origjinë nga Dibra, u arratis së bashku me bashkëjetuesen e tij, e cila ishte e pranishme gjatë ngjarjes së rëndë. Ajo rrëfeu se ishte vjehrra e saj, ajo që nisi debatin pas ankesave se çifti nuk punonte. Pas disa orësh, ata u vetëdorëzuan në Policinë e Durrësit.
