Bota e muzikës u trondit ditën e hënë, pasi 20-vjeçari XXXTentacion u qëllua për vdekje me armë zjarri në makinën e tij në Floridën e Jugut.
Policia ka arrestuar të dyshuarin e parë për vrasjen e reperit amerikan. I riu 22-vjeçar, Dedrick Devonshay Williams akuzohet për vrasje, vjedhje si dhe se ka drejtuar makinën pa patentë.
Për “Dailymail”, Policia nuk dha më shumë detaje për të dyshuarin si autor të krimit. Mirëpo, në profilin e tij në “Instagram” paraqitet tabloja e një të riu të fiksuar pas parave. Dedrick ekspozon në çdo foto tatuazhet si dhe shuma të mëdha parash.
XXXTentacion, emri i vërtetë i së cilit është Jahseh Onfroy, ndodhej në Deerfield Beach, duke blerë një motor në Florida, kur dy djem e qëlluan për vdekje në makinën e tij BMW sports.
Policia beson se vdekja e reperit nuk ishte e qëllimshme, pasi autorët kërkonin vetëm të grabisnin.
