Pas 14 vitesh qëndrim në “Vizion Plus”, moderatori Turjan Hyska vendosi që të zhvendosej në një tjetër televizion, për të nisur një rrugëtim të ri në karrierën profesionale.
Turi deklaroi pak kohë më parë se kishte firmosur kontratën e re me “TV Klan”, në të cilën është zhvendosur bashkë me trupën e aktorëve të “Apartamenti 2XL”.
Veç kësaj moderatori ka marrë edhe rolin e drejtorit të Përgjithshëm në televizionin “Klan Plus”.
Në një intervistë së fundmi për “Panorama Plus”, Turi është pyetur edhe për pagën për të cilën është rënë dakord që do të marrë si moderator dhe drejtor.
“Sa do të paguhesh në “Klan”? Është paga jote në nivelin e emrave që përfliten se shpërblehen mirë në televizion, si: Blendi Fevziu, Arian Çani, Ardit Gjebrea, Ermal Mamaqi, etj.?”, ishte pyetja e gazetares, së cilës Turjan Hyska ka vendosur t’i përgjigjet pa dhënë shumë detaje.
“Paguhem aq sa kam rënë dakord me Aleksandër Frangajn. Sa paguhen të tjerët, nuk kam interes ta di”, u shpreh Turi.
Burimi: Panorama Plus
