Victoria Beckham është mbretëresha e veshjeve në ngjyrë të errët.
Ndaj ishte një suprizë e këndshme që stilistja u pa për herë të parë në rrugët e New York-ut me një veshje “të gjallë”. Stilistja kishte zgjedhur një fustan të bardhë të gjatë me shirita ngjyrë rozë dhe xhaketë të kombinuar me shirita, blu dhe të verdha.
Mirëpo, kjo nuk është e gjitha. Këpucët me taka që Victoria mbante veshur, ishin ngjyrë jeshile. Madje paparacët arritën t’i rrëmbenin një buzëqeshje sadopak të vogël.
“Më pëlqejnë veshjet në ngjyrën e zezë, por shumë njerëz më thonë se duhet të vesh edhe veshje të ngjyrave të tjera. Mendoja se ngjyra e zezë ishte perfekte, por tani jam e lumtur që eksperimentoj edhe me ngjyrat. Kur shikoj foto kur shfaqem e veshur me ngjyra, më pëlqen.”- është shprehur Beckham për “The Telegraf” në një intervistë në vitin 2017.
