Kim Kardashian, presidente e Shteteve të Bashkuara të Amerikës?
“Kurrë mos thuaj kurrë”. Kështu i është përgjigjur ylli i “Keeping Up With The Kardashian”, pyetjes së gazetarit të “Cnn”, nëse një ditë do të garojë për të qënë në krye të Shtëpisë së Bardhë.
“Kurrë mos thuaj kurrë. Por kjo nuk është në planet e mia. Unë dua të ndihmoj njerëz, por do e nis nga një person” – tregoi Kim Kardashian.
Mirëpo a e tundon fakti se presidenti aktual ishte pjesë e botës së showbizzit?
“As nuk është në mendjen time të garoj për presidente. Por kjo është arsyeja përse Kanye e mbështet kaq shumë Trump, sepse gjithçka mund të ndodhë” – u përgjigj Kim.
Nëna e North, Saint dhe Chicagos ishte e ftuar në emisionin “The Van Jones Show” në “Cnn”, për të folur mbi lirimin e Alica Marie Johnson, për të cilën Kim ndërhyri tek Presidenti Trump, që ky i fundit ta falte. Pas dy dekadash në burg, Alica Marie Johnson fitoi lirinë.
