Ndeshja Spanjë-Portugali përfundoi 3-3 dhe dje përfundimisht nuk ishte një nga ditët më të mira për Cristiano Ronaldo. Jo për shkak të ndeshjes së realizuar në Rusi, si pjesë e Kampionatit Botëror, por pasi ylli i futbollit u dënua me 2 vjet burg, që do ta kryejë në liri me kusht dhe me një gjobë të majme prej 18.8 milionë eurosh.
“El Mundo” shkroi se Ronaldo arriti një marrëveshje me avokaturën e shtetit spanjoll për të shlyer detyrimet fiskale, duke marrë përgjegjësitë për 4 vite.
Me këtë marrëveshje, Ronaldo mbyll të gjitha problemet fiskale që ka pasur gjatë këtyre viteve në Spanjë, duke i dhënë fund edhe një procesi të gjatë administrativ, i cili nuk kaloi pa telashe.
Ndërkohë ka mbetur ende dhe një çështje për t’u zgjidhur: Ronaldo kërkon që dy vitet e burgut të konvertohen me gjobë dhe jo me kusht, pasi mund të krijojë probleme në të ardhmen.
