Çlirim Shaholli është njoftuar me masën “Arrest me burg” nga Gjykata e Durrësit, nën akuzat e vrasjes së bashkëshortes së tij, Ardjana Shaholli. Përpara toglave të zeza, 42-vjeçari ka pranuar autorësinë e krimit dhe kërkoi falje nga 6 fëmijët e tij, të cilët i la jetim.
“Kishim konflikte të herëpashershme. Përplaseshim verbalisht gjithmonë. Atë mbrëmje u konfliktuar, pasi unë dyshoja se më tradhtonte me pronarin e rrobaqepësisë ku punonte. I thashë të ishte e sinqertë dhe të më tregonte. I kërkova të më thoshte të vërtetën. Aty situata u përkeqësua. Nisëm të debatonim. Ajo me kërkonte llogari përse nuk punoja. Më ofendoi duke më thënë se je i padobishëm. Aty m’u errësuan sytë dhe u kapëm fytazi të dy. Ajo më shtyu mua dhe unë e shtyva atë. Ra në tokë. E kapa prej flokësh dhe ia përplasa pesë-gjashtë herë kokën në çimento, derisa ra pa ndjenja. Unë nuk kisha për qëllim ta vrisja, thjesht isha shumë i ofenduar dhe shumë xheloz. Jam penduar thellësisht për veprimin e gabuar. U kërkoj ndjesë të gjithëve. Në radhë të parë, Anës, që i mora jetën dhe në radhë të dytë fëmijëve të mi, që i lashë jetimë dhe në mes të katër rrugëve. Nuk di çfarë të them, jam thellësisht i penduar për veprimin tim të pafalshëm dhe fatal”, – ka thënë Çlirim Shaholli, bën të ditur gazeta “Panorama”.
Aurori i krimit të rëndë të ndodhur mbrëmjen e së premtes në zonën e ish-Kënetës në Durrës, nuk kërkoi aspak mëshirë nga Gjykata e Durrësit, teksa kërkoi që të zbatohej vetëm ligji.
“Pranoj çdo vendim dhe masë që Gjykata do marrë. Unë gabova dhe duhet të ndëshkohem”, shtoi më tej autori i krimit që i mori jetën nënës së gjashtë fëmijëve.
Mbrëmjen e së premtes, Çlirim Shaholli përplasi përtokë gruan e tij duke e lënë të vdekur. Edhe përse 42-vjeçari ka dërguar në spital bashkëshorten, ajo nuk ka mundur t’i shpëtojë dot plagëve të marra. 40-vjeçarja, Ardiana Shaholli u përcoll ditën e diel për në banesën e fundit, ndërsa gjashtë fëmijët e saj që mbetën jetimë do të jetojnë me gjyshërit.
