Vetëm pak ditë më parë u bë e ditur se dy ndër shefat e kuzhinës më të njohur të vendit tonë, Alfio Rrotani dhe Indrit Çela do të braktisin televizionin “In Tv” dhe do të transferohen në “Tv Klan”.
Ndërkohë që të gjithë filluan të hamendësonin se dyshja e njohur do të bënte në “Tv Klan”, emisionin “Kripë e piper”, më të cilin u bënë të njohur në ekranin e “In TV”, Alfio ka dhënë një intervistë për “Gazetën Shqiptare”, ku ka treguar se nuk bëhet fjalë për të njëjtin emision.
“Projekti i ri është diçka komplet ndryshe, një risi në ekranet shqiptare. Do jetë për shqiptarët kudo në qytetet e Shqipërisë. Do ketë surpriza, receta, e sigurisht edhe shumë të papritura”, ka thënë Alfion për “Gazetën shqiptare”.
Ndërkohë të gjithë jemi kurioz të dimë se cilat ishin arsyet e kësaj lëvizje të Alfios.
“Këto dy vite kanë qenë tepër të bukura në ‘In TV’. Mendoj që ‘In TV’ është një trampolinë për këdo. Pas një eksperience me energji shumë të mirë, mendojmë se ka ardhur momenti për gjëra ndryshe dhe më të mëdha”, tha Alfio.
