Qemal Sela, sapo u kthye nga Angli pas tetë vitesh, qëlloi me automatik nënën e tij Zeqimete Sela, 50 vjeçe dhe të atin Flamur Sela, 55 vjeç, duke i lënë të vdekur.
Ngjarja e rëndë ndodhi në zonën e zonën e njohur si Llixhat në Peshkopi, ku sipas policisë autori i krimit Qemal Sela ka probleme me shëndetin mendor. Motra dhe vëllai i 25-vjeçarit ishin përpjekur ta bindnin të vizitohej sepse ndodhej në gjëndje të rënduar psikologjike pasi u rikthye në Shqipëri.
“Nuk e dinim se do të vinte. Patëm biseduar me telefon dhe nuk na pati thënë se do të kthehej. Nuk e dinim se nuk ishte mirë me shëndet. Fillimisht u gëzuam që u kthye, por kur e pamë se nuk ishte mirë, u mërzitëm shumë. Tentuam ta çonim për vizitë në spital, por ai nuk pranoi”, kanë rrëfyer ata për hetimorët, ku pranuan se ai kishte mbërritur në Shqipëri dy ditë përpara se të ndodhte ngjarja tragjike shkruan “Panorama”.
