Detaje të reja kanë dalë tashmë në dritë nga krimi i dyfishtë që ndodhi mëngjesin e sotëm në Tiranë, ku Xhaferr Mata qëlloi me armë zjarri 19-vjeçaren Xhuljeta Çuni, dhe më pas vrau edhe veten e tij.
Sipas komenteve të fqinjëve të tij, ai ishte baba i një djali dhe ishte divorcuar nga bashkëshortja për të vazhduar lidhjen e tij jashtëmartesore me Xhuljeta Çunin. Duke qenë se e reja kërkoi që të ndaheshin, 31-vjeçari nuk e pranoi këtë situatë dhe mëngjesin e sotëm kreu krimin makabër.
Mirëpo “Ballkanweb” ka bërë të ditur se përveçse prishjes së marrëdhënies intime të rinjtë ishin në konflikt me njëri-tjetrin pasi 19-vjeçarja i kishte marrë një shumë lekësh borxh 31-vjeçarit dhe ajo refuzonte t’ia kthente.
Pas konfliktit që kishin pasur mes tyre dy të rinjtë ishin paraqitur disa herë pranë komisariatit nr.3 në Tiranë, ku vajza kishte shprehur shqetësimet e saj. Ajo kishte deklaruar para oficerëve se ndiqej në ish-i dashuri, ndërsa ky i fundit kishte deklaruar se ai thjesht kërkonte që ajo t’i kthente borxhin.
Burimi: Ballkanweb
