Trejsi Sejdini është shpallur fituesja e kompeticionit “Miss Universe Albania 2018”, që u mbajt mbrëmjen e djeshme në Pallatin e Kongreseve.
18-vjeçarja nga Elbasani arriti të rrëmbejë vendin e parë mes tre finalisteve, nga të cilat u përzgjodh Ajli Hoxhaj si shoqëruesja e parë e Miss Universe dhe Irene Dama, shoqëruesja e dytë. Megjithatë Trejsi Sejdini nuk është figurë e panjohur në mediat shqiptare. Ajo njihet ndryshe si “gangsterja e Elbasanit”, pasi u publikuan disa video, ku shfaqte shenja dhune.
23 bukuroshet shqiptare që ishin në garë për çmimin e “Miss Universe Albania”, shkëlqyen me bizhuteritë e markës prestigjoze Swarovski. Ato dukeshin rrëzëllitëse në çdo parakalim të tyre në Pallatin e Kongreseve. Mbrëmja e Miss Universe u ndërthur mes konkursit të bukurisë dhe performancës së këngëtarëve Aurela Gaçe, Claydee Lupa, Çiljeta Xhilaga si dhe Ylli Limani.
Trejsi Sejdini pritet të prezantojë Shqipërinë në konkursin e 68-të të “Miss Universe”,që do të transmetohet në FOX News.
Çmimet që u fituan gjatë “Miss Universe Albania 2018”:
Dardana Aliaj – Bursë studimi
Xhoi Kaso – Çmimi i produksionit
Xhesi Prendi- Miss Fotozhenia
Anastasia Sara Spahi -Çmimi i klinikës Keit
Anisa Metuku-Miss Eleganca
Trejsi Sejdini-Miss Social Media
