Një intervistë e para një viti mes Roza Latit dhe Dasara Karaiskaj është bërë mollë sherri mes gazetares dhe ish-banores së Big Brother, Gertës.
Në momentin që ishin duke folur, moderatores i tërheq vëmendjen pastruesja, e cila po fshinte aty pranë saj dhe nisi të bënte shaka me të pasi u prishi intervistën.
Këto shaka nuk u pritën mirë nga Gerta, ish-banore e Big Brother, e cila reagoi duke i fyer gazetaret, ndërsa Dasara ia ktheu duke i thënë se Gerta mund ta kishte vetë mamin pastruese.
Këtu “shpërtheu” polemika, pasi nëna e Gertës nuk jeton më. Në një intervistë për “Pop Culture” në Top Channel, Dasara sqaroi versionin e saj.
“Ishte një intervistë shumë e këndshme për çështje showbizz-i. Në kuadër të bisedës me humor që kam qenë duke bërë me Roza Latin, një sanitare ka kaluar përpara nesh dhe unë kam qenë duke qeshur për atë që po thuhej, ndëkohë që Roza ka bërë batutën. Mendoj se edhe batuta e Rozës nuk ishte ndonjë qamet i madh. Nuk kishte asnjë konotacion negativ përveç asaj që u interpretua në media”, deklaroi Dasara.
Më tej, gazetarja pranoi se ka bërë vetëm një gabim: është treguar e nxituar.
“Unë jam treguar e nxituar dhe pranoj që kam bërë gabim. Unë nuk e njihja fare ish-banoren e Big Brother. E postova “screnn shot”-in sepse u irritova për fyerjen që më bëri, pa e ditur mamanë që i mungon. Këtë nuk e dija. Ky është gabimi i vetëm që kam bërë unë”, tha Dasara. / Top Channel
