Këngëtarja me origjinë shqiptare, Dua Lipa po shijon sukseset e saj të njëpasnjëshme duke u renditur në top listat muzikore. Së fundmi Dua është duke organizuar një tur muzikor nëpër botë dhe koncertet e saj po ndiqen nga mijëra fansa.
Fundjavën që lamë pas, Dua ofroi një performancë elektrizuese në Moskë, ku u ndoq nga një numër i madh fansash. Në një moment këngëtarja shqiptare është provokuar nga fansat, të cilët i kanë hedhur në skenë flamurin e Rusisë.
Një veprim ky i bërë me tendencë, duke u nisur nga fakti që Rusia nuk e ka njohur ende pavarësinë e Kosovës, si dhe duke ditur edhe lidhjet e ngushta që ky shtet ka me Serbinë.
Mirëpo Dua si një vajzë e zgjuar ka ditur të reagojë me shumë delikatesë. Ajo e ka marrë flamurin dhe e ka hequr nga skena duke e lënë pranë orkestrës dhe duke mos e ndërprerë në asnjë moment performancën e saj, edhe pse ky gjest nuk i ka pëlqyer aspak.
