Ashtu siç e kishte paralajmëruar, këngëtarja Soni Malaj ka publikuar bashkëpunimin e saj më të ri me këngëtarin latin Jowell.
Kënga “En La Intimidad” vjen në gjuhën spanjolle ndërkohë që videoklipi i saj është xhiruar në Shqipëri. Madje, këngëtari latin flet me superlativa për Shqipërinë në nisje të videklipit, e fton mikun e tij të vizitojë bukuritë shqiptare.
“Duhet ta vizitosh me patjetër Shqipërinë. Do ta adhurosh” – shprehet Jowell.
Si vetë titulli i këngës “Në intimitet”, Soni shfaqet shumë pranë këngëtarit latin.
Në një postim në profilin e tij në “Instagram”, Jo3ell tha se është nder të punosh me Sonin duke e quajtur yll muzikor.
“Është një nder i vërtetë për të ndarë muzikën me këtë yll muzikor @soni_malaj Gjeni këngën tonë të re #EnLaIntimidad në #Spotify dhe videon në #Youtube #OUTNOW”, shkroi artisti nën lajmin se kënga u publikua.
Për këngëtaren Soni Malaj, “En La Intimidad” ishte kënga më e vështirë për të cilën ajo ka punuar në karrierën e saj muzikore.
“Nuk ka qënë e thjeshtë! Është një këngë shumë e thjeshtë kur e mendon, por ka qënë kënga më e komplikuar e jetës sime, pasi vetëm në anën teknike, mund ta kem inçizuar mbi 5 ose 6 herë. Për një sekuencë të vogël që nuk ishte baraz me tregun ndërkombëtar, më kërkonin ta përpunoja sërish” – tha këngëtarja shqiptare në një intervistë për Pop Culture.
Mësohet se ajo do të publikojë edhe tre këngë të tjera me Jowell, në gjuhën frënge.
