Aktori i njohur i Hollivudit, Johnny Depp i ka trembur të gjithë fansat me disa foto të fundit të publikuara nga mediat, ku shfaqet në një gjendje shumë të rëndë, me disa kilogramë më pak dhe mjaft i zbehtë.
Por këto foto nuk janë gjë tjetër veçse një provë e rolit të ri të Johnny-t si një pacient që vuan nga kanceri në filmin e ardhshëm “Richard Says Goodbye”.
54-vjeçari luan rolin e një profesori të hijshëm kolegji, i cili vendos të jetojë jetën e tij vetëm dhe i braktisur pas dhënies së diagnozës shkatërruese.
Ndaj të gjithë ju fansa që ishit shqetësuar për shëndetin e aktorit, mund të qetësoheni. Johnny i qëndron besnik rolit dhe do të bëjë çmos që t’i përshtatet në maksimum.
