Pavarësisht investimeve me miliona euro në infrastrukturë me qëllim rritjen e turizmit, disa plazhe në qytetin e Vlorës vazhdojnë të jenë tepër të ndotura.
Pas kontrollit nga Drejtoria e Shëndetit Publik në Vlorë rezultuan se Plazhi i Marinës dhe Plazhi i Vjetër janë zonat më të ndotura. Në këto zona prej disa vitesh ujërat e zeza të pallateve pranë vijës bregdetare vijojnë të shkarkohen në det për shkak se mungojnë kanalizimet.
Për këtë arsye sipas gazetës “Panorama” DSHP rekomandon që të mos laheni në këto dy zona sepse niveli i ndotjes është tepër i lartë,nga mungesa e impiantit për përpunimin e ujërave të zeza.
Por jo vetëm kaq, shkak tjetër janë edhe grumnujt e mëdha të inerteve që ndodhen rëndom në ambientet e bregdetit.
Në Plazhin e Vjetër problem kryesor mbetet papastërita pavarësisht ndërhyrjeve, kjo e ka thyer në plazh të frekuentuar shumë pak, edhe pse rëra është cilësore dhe kurative.
Cilësia e ujit
Sipas informacioneve nga Drejtoria e Shëndetit Publik Vlorë rezulton se cilësia e ujit të detit në Plazhin e Vjetër është mbi normat e lejuara s ai përket ndotjes, pasi ka prezencë të lartë të baktereve E.coli dhe Stretokokut.
Institucioni akoma nuk ka dalë me informacion zyrtar , pasi do të bëhen sërish matje të kampionit të ujit, në periudhën kur do të ketë dyndje të pushuesve.
Për pastërtinë dhe cilësinë e ujit mësohet se problematike është edhe zona e plazhit pranë Akademisë së Marinës. Shkak kryesor është derdhja e ujërave të zeza në det. Sipas parashikimeve këto plazhe do të kenë gjithnjë e më pak turistë.
Bashkia
Bashkia e Vlorës ka ndërhyrë ditët e fundit për pastrimin dhe përpunimin e rërës në 3 plazhet publike, Plazhin e Vjetër, Plazhin e Ri dhe Plazhin e Marinës.
Nga informacionet e siguruara nga Bashkia e Vlorës mësohet se gjatë këtyre ditëve do të ndërhyhet edhe në normalizimin për derdhjen e ujërave të zeza në det, për të parandaluar këtë fenomen shqetësues, prej disa vitesh në Vlorë.
Kjo do të zgjidhet me implementimin e fazës së dytë të impiantit për punimin e ujërave të zeza që mund të sjellë përmirësimin e cilësisë së ujit.
