Zaimina Vasjari u bë nënë për herë të parë, teksa solli në jetë vajzën që e pagëzoi me emrin Khloe. Këngëtarja ashtu siç edhe partneri i saj, i janë dedikuar tërësisht vogëlushes, që erdhi në jetë katër muaj më parë.
Në një intervistë për emisionin radiofonik “Thuaje me pepsi”, këngëtarja e hitit “Po ta dija” rrëfeu dëshirën për ta bërë Khloen me një vëlla sa më parë.
“Në një të ardhme jo shumë të largët, dua t’i plotësoj dëshirën partnerit, për një vëlla të vogël për Khloen” – tregoi këngëtarja.
Më pas ajo ka zbuluar se emrin e vajzës së saj e ka pëlqyer që në fëmijëri. Megjithatë për ta sjellë në një formë më moderne dhe ndërkombëtare, vendosi t’i ndryshonte inicialet.
