Ditën e sotme u bë publik lajmi i pritjes së ëmbël për një prej çifteve më të dashura, Erion Veliajt dhe Arjola Xoxës.
Një burim zbuloi për “Tirana Post” se në vjeshtë do të vijë në jetë fëmija i parë i kryebashkiakut Erion Veliaj. Sipas këtij burimi mendohet se Erioni dhe Arjona janë në pritje të një djali.
Mirëpo duket se tashmë nuk ka më dyshime rreth këtij lajmi, pasi çifti simpatik e ka konfirmuar vet lajmin e pritjes së ëmbël nëpërmjet një postimi në Instagram.
Fillimisht ishte Arjola që publikoi në Instagram foton ku jep lajmin e bukur të shtatzënisë dhe tregon për herë të parë barkun e rrumbullakosur.
“Tre rrahje zemrash” shkruan Arjola në përshkrimin e fotos ku pavarësisht se ka një buqetë me lule para barkut, tashmë ai është mëse i dukshëm.
Vetëm pak minuta më vonë edhe kryebashkiaku Erion Veliaj bëri një postim në Instagram ku uron 1 Qershorin në mënyrën më të bukur.
“Gëzuar 1 Qershorin dhe nga ne të tre! Ju duam shumë të gjithëve”, shkruan Veliaj krahas fotos ku shfaqet së bashku me Ajolën.
Kaq ka mjaftuar dhe fansat e tyre të shumë kanë nxituar të urojnë çiftin Veliaj-Xoxaj për pritjen e ëmbël.
