Prej disa javësh është përfolur se kryebashkiaku Erion Veliaj dhe bashkëshortja e tij Ajola Xoxa janë në pritje të një fëmije. Thashethemet për këtë lajm u përforcuan edhe më shumë kur Veliaj, i ftuar në emisionin “Në Kurthin e Piter Pan” tha se shpresonte që këtë vit të bëhej baba.
“Shpresoj shumë që këtë vit të bëjmë një fëmijë duke qenë se edhe teta Ajola ka përfunduar doktoraturën dhe duam me të vërtetë një fëmijë”, tha Erioni në emisionin “Në Kurthin e Piter Pan”.
Mirëpo tashmë nuk ka dyshime që Erioni dhe Ajola do të bëhen prindër për herë të parë. Një burim ka konfirmuar për “Tirana Post” se në vjeshtë do të vijë fëmija i parë i kryebashkiakut, i cili mendohet se është djalë.
Erioni dhe bashkëshortja e tij Ajola e kurorëzuan dashurinë e tyre në martesë më datën 6 shtator të vitit 2014, megjithëse historia e tyre e dashurisë i ka rrënjët më herët, 16 vjet më parë. Ardhja në jetë e fëmijës së tyre të parë do të kompletojë familjen e tyre të vogël.
