Dhunimi i këngëtares Baby G nga shoqja e saj ka qenë dje kryelajmi i mediave online. Sipas saj, modelja Blerta Gashi e ka ndaluar në mes të rrugës në Dubai dhe në bashkëpunim me tre persona të tjerë i ka shkaktuar plagë të rënda. Një akuzë kjo që është mohuar nga modelja e njohur.
Pas sherrit të bujshëm Baby G ka publikuar një foto në Instastory ku shfaqet në një makinë luksoze dhe ka paralajmëruar një bashkëpunim me këngëtarin me famë botërore, Chris Brown.
“Unë e dua punën që bëj, i dua fansat e mi dhe dua që ta bëj Shqipërinë dhe Kosovën krenare. Gjithsesi kush ishte gati për një këngë më Chris Brown? Po punoj kudo që shkoj!”, shkruan Baby G sipër fotos.
Mirëpo për çudinë e të gjithëve në foton që Babe G ka publikuar në Instastory shihet se i ka bërë “like” edhe Chris Brown. Me sa duket ky paralajmërim është i vërtetë dhe të gjithë jemi në pritje të këngës së tyre.
