“Asnjë femër nuk duhet të kalojë një gjë të tillë”! Kështu u shpreh këngëtarja shqiptare BabyGee pasi dha një lajm të trishtë sot për fansat.
BabyGee është dhunuar barbarisht nga një femër të cilën e ka identifikuar madje në rrjetin social Instagram.
Teksa ndodhej në Dubai, një femër e cila ka qenë e shoqëruar me tre persona të tjerë e ka sulmuar fizikisht.
Këtë e bëri të ditur vetë këngëtarja nëpërmjet publikimit të një fotografie në Instastory pranë të cilës e ka zbuluar dhe emrin e vajzës që ka qenë protagonistja kryesore:
“Kam shkuar në spital pasi jam sulmuar nga Bleta Gashi, e cila më sulmoi me tre persona të tjerë. Ndihem shumë keq nga kjo më ndodhi mua dhe dua ta ndaj historinë time me të gjitha vajzat e reja! Kur ti je e suksesshme, dëshirojnë të të shohin poshtë. Por asnjë grua nuk duhet ta përjetojë këtë. Dhe unë, kam njerëz, por nëse s’do të kisha asnjë! Çfarë do të bëja????”, ka shkruar ajo pranë fotos.
Më pas në një seri videosh të tjera, këngëtarja sqaron se nuk ishte një sherr, por një sulm fizik ndaj një femre, ndaj dhe femrat duhet ta përkrahin njëra-tjetrën në situata të tilla.
Pasi publikoi foton e vajzës që e sulmoi, BabyGee tregon edhe arsyen absurde të sherrit, që sipas saj ishte ngrënia në makinë:
“Supozohej të ishte shoqja ime, por më goditi sepse hëngra në makinë”.
