Ditën e djeshme lajmi se këngëtaret Çiljeta dhe Fifi nuk flasin më, bëri bujë në media! Ishte këngëtarja Fifi, e cila për emisionin “Tell – all” rrefeu se Çiljeta ishte zemëruar me këngëtaren nga Kosova sepse e kishte votuar me pak pikë në festivalin “Këngën Magjike”.
Menjëherë pas kësaj deklarate, “Xing.al” raportoi se hiti i tyre i famshëm “Big Booty” është fshirë nga You Tube dhe sipas portalit ka qënë Çiljeta ajo që e ka fshirë këngën për hakmarrje ndaj Fifit.
Mirëpo e kontaktuar nga “Iconstyle.al”, këngëtarja Filloreta Raçi, hodhi poshtë zërat se bashkëpunimi mes tyre është fshirë nga këngëtarja e hitit “Hajmali”.
“Kënga ka një vit e gjysmë që nuk është në youtube. Madje as Çiljeta nuk e di arsyen se përse është fshirë” – u shpreh Fifi për “Iconstyle.al”.
Mbetet mister arsyeja përse është fshirë klipi i këngës “Big Booty”.
