Reperi i njohur amerikan Pusha T i ka bërë një diss të vërtetë personalitetit të reperit Drake në këngën “The Story Of Adidon”.
Diss-i i reperit të Daytona i cili i’u përgjigj këngës së Drake “Duppy Freestyle” hodhi dyshimet se ky i fundit ka një fëmijë, por nuk e ka treguar kurrë.
Sipas Pusha T, Drake e ndjek mamanë e foshnjes me emrin SophieKnowsBetter në Instagram, ndërkohë që emri i saj i vërtetë është Sophie Brussaux, e cila ka qënë aktore porno dhe ata janë përfolur që vitin e kaluar për një lidhje.
“Meqe je i famshëm e le të dashurën, bëju me dije të tjerëve kë ke zgjedhur si Beyonce-n tënde. Sophie e di më mirë, pyet nënën e fëmijës tënd… E ke hequr edhe nga Instagrami, por nuk e zhduk dot… Një fëmijë është i përfshirë, është më shumë se thjesht rep…” – kështu repon Pusha T në diss- in ndaj Drake.
“Ti po fsheh një fëmijë, merre djalin në shtëpi… Adonis është djali jot dhe ai meriton më shumë…” – thotë Pusha T në tekstin e këngës.
Nga ana tjetër Drake dhe Sophie u përfolën për një lidhje dashurie që në fillim të vitit të kaluar. Madje më voni ajo tha për “TMZ” se ishte shtatzënë dhe Drake i kishte kërkuar të abortonte.
Pas kësaj përfaqësuesi i Drake u kundërpërgjigj duke thënë: “Nëse do të ishte fëmija i Drake, gjë që ai nuk e beson, do të bënte gjënë e duhur”.
