Modelja e njohur shqiptare, Emina Cunmulaj vetëm pak ditë më parë u bë nënë për herë të dytë. Ajo solli në jetë një vajzë, të cilën e pagëzoi me emrin Mia Soraya.
Ardhjen në jetë të Mia-s, Emina e ka cilësuar si një bekim për jetën e saj. Ajo i është gëzuar pa masë faktit që tashmë dy vajzat e saj do të kenë gjithmonë pranë njëra-tjetrën.
Ndërkohë që ditët kanë kaluar dhe Emina e ka marrë disi veten nga lindja për të kanë filluar të vijnë edhe dhuratat e para. Në disa foto të publikuara nga modelja shqiptare në Instastory duket se vila e saj është kthyer në një kopsht botanik.
Ardhja në jetë e vajzës së dytë i ka dhënë shtëpisë një atmosferë festive dhe gëzimit të familjes së Eminës i janë shtuar edhe miqtë dhe të afërmit e saj të cilët i kanë dërguar një numër të madh buqetash me lule.
Në postimet e saj në Instastory modelja shqiptare ka shkruar se ndihet e lumtur që shtëpia e saj vjen era lule dhe ka falënderuar miqtë e saj për surprizat e bukura që i kanë bërë.
