Këngëtarët e njohur shqiptarë Elhaida Dani dhe Branimir Agovi janë bërë epiqendra e lajmeve rozë ditën e sotme , pasi u përfolën për një lidhje dashurie.
Pas kësaj ka qënë Elhaida ajo që është kontaktuar nga revista “Class” dhe ka thënë: “Ne kemi qenë shokë të ngushtë fëmijërie, kemi studiuar në Shkodër në të njëjtën shkollë dhe kemi ndarë të njëjtën klasë. Përveçse shokë të ngushtë, ne gëzojmë sukseset e njëri-tjetrit, por asgjë më shumë se kaq”.
Mesa duket këngëtarja edhe pas kësaj deklarate ka vazhduar të shqetësohet nga persona të interesuar lidhur me këtë lajm mbi jetën e saj private.
Prandaj ajo vendosi të sqarojë diçka më shumë lidhur me historinë me Branimirin duke postuar në Instastory një shkrim ku tregon se ai është beqar dhe kërkon nuse.
“Unë e dua shumë median shqiptare dhe e vlerësoj gjithmonë vëmendjen që ajo më jep… Por doja të sqaroja lajmet e fundit mbi jetën time private sepse nuk pushoi telefoni gjithë ditën. Ndërkohë Branimir Agovi është beqar, kështu që… nëse keni në mendje ta ndryshoni këtë, shkruajini dhe tregojini atij që ju thashë unë” – ka shkruar me shaka Elhaida.
