Xhirimet për filmin e preferuar të fëmijëve dhe të rriturve “Maleficent II” kanë filluar zyrtarisht dhe yjet e tij Angelina Jolie dhe Elle Fanning tashmë na kanë prezantuar me skenat e para.
Fanning, e cila luan rolin e Princeshë Aurorës, ndau me ndjekësit e saj dy foto nga sheshxhirimi në Londër duke treguar anën qesharake të përgatitjeve me Angelina Jolie.
Jolie duket në foto me brirët tipikë për rolin e zanës magjistare, ndërsa Fanning shfaqet me syze dhe me flokët e zbukuruar për rolin e princeshë Aurorës.
“Foto e fundit” – shkruan aktorja 20-vjeçare në njërën foto të postuar, ku Angelina duket e fshehur pas Elle .
Ndërsa në foton tjetër dy aktoret duken të buzëqeshura dhe Jolie bën shenjën e paqes me dy gishta.
Nuk na mbetet gjë tjetër për të thënë veçse mezi po presim të shohim serinë e dytë të filmit magjepsës.
