Kendall Jenner ka nisur një lidhje të re dashurie me yllin e njohur të NBA-së Ben Simmons. Ky lajm është konfirmuar për faqen “Page Six” nga një burim ekskluziv i saj.
Një burim i afërt me dyshen e njohur tha se romanca e tyre ka disa javë që ka nisur dhe madje ata janë parë vazhdimisht në shoqërinë e njëri-tjetrit.
Një burim tjetër ka zbuluar për “Page Six” se Kendall dhe Ben kanë qenë këtë javë për një drekë në “Beverly Hills Hotel”. Ndërsa një burim i tretë ka thënë se 22-vjeçarja dhe Simone javën e kaluar kanë qenë së bashku me një grup miqsh në restorantin “Bowney Vandal” të klubit.
“Masat e sigurisë duket se janë marrë për të siguruar që Kendall dhe Ben të kalojnë pa probleme natën e tyre”, tha një dëshmitar.
“Ata buzëqeshën gjatë gjithë natës me miqtë e tyre”, ka thënë i njëjti burim.
Por kush është Ben Simmons?
Basketbollisti 21 vjeçar ka lindur në periferi të Fitzroy, Melbourne dhe është rritur në qytetin Newcastele në News South Wales.
Ai filloi të luante basketboll në moshën 7-vjeçare dhe kur ishte 15 vjeç përfaqësoi Australinë në basketboll. Ndërsa në moshën 20-vjeçare nisi të luante në NBA-në e Philadelphia-s.
Ai ka luajtur në kampionate botërore dhe është quajtur ylli më i madh sportiv i Australisë pasi ka fituar tituj të shumtë në fushën e sportit.
Ben ka tërhequr vëmendjen edhe me historitë e tij të dashurisë.
Para se të lidhej me Kendall Jenner, Ben Simmons ka qenë në lidhje me modelen Dylan Gonzalez, trajnerin e fitnesit Brittanny Renner dhe së fundmi me këngëtaren e RnB Tinashe.
Burimi: Page Six
