Ajo është një nga muzat kryesore të “Dior” dhe aktualisht është ambasadorja e tyre në mbarë botën.
Ndaj Bella Hadid u sigurua që të gjithë t’i kishin sytë tek ajo, kur bëri një ndryshim të shpejtë të veshjes pas eventit të markës “Dior” për të shkuar më pas në Hotel Corinthia në Londër.
Supermodelja 21-vjeçare u paraqit me një veshje të stilit parisien, por ajo që na ra në sy ishte këmba e saj e fashuar.
Bella kishte veshur geta në ngjyrë të zezë poshtë xhinseve, por më kot. Fashoja në këmbë ishte lehtësisht e dallueshme. Epo duhet diçka për syrin e keq apo jo?
Më pas, modelja ndryshoi stil për t’u kthyer në një Hirushe moderne me një fustan të “Dior”, me tyl të zi. Bella e kishte kombinuar fustanin me një kapelë të llojit beretë me tyl në sy.
