Sot feston ditëlindjen e tij të dytë, vogëlushi i çiftit të njohur, Vesa Luma dhe Big Basta. Mami Vesa ka qenë ajo që është angazhuar më shumë për ta shndërruar këtë 2-vjetor të Lianit në një festë të paharrueshme.
Që në orët e para të mëngjesit ajo ka postuar në Instagram një foto të Lianit para tortës së ditëlindjes dhe e ka shoqëruar me një urim mjaft emocionues.
“Zemra ime vogël që sot i mbushe 2 vjet! Këto 2 vjet me rrite edhe mua,edhe babin tënd, na bëre të kuptojmë rëndësinë e jetës! Nuk e krahasoj me asgjë sharmin tënd bashkë me inteligjencën dhe sensin e humorit ( kur zgjohesh natën për të pi qumështin dhe ashtu siç je me sy mbyll na thua Gëzuar?) dëshirën e madhe për librat ,futbollin ,muzikën,raketat..Dhe ti ,Liani im ,do rritesh me të gjitha të mirat e botës ,( mami dhe babi ta premtojmë që s’do të të mungojë asgjë në jetë) ,e uroj të behësh 100 vjeç, ndërsa mua ,mua me ke fal 100 jetë të tjera me energjinë e dashurinë tënde! Gëzuar jeta ime! Jam krenare me ty! Të du më se shumti në botë”, shkruan Vesa Luma në postimin e saj në Instagram.
Videot e postuara dje nga këngëtarja simpatike në Instastory na treguan se sot Lianin e pret një ditë e mbushur me surpriza të shumta.
Kujtojmë që Vesa Luma dhe Big Basta së bashku me vogëlushin e tyre janë vendosur prej disa muajsh në Zelandën e Re, ku kanë shkuar për një të ardhme më të mirë.
