Këngëtarja Miriam Cani, do të sjellë së shpejti një këngë të re gjatë periudhës së verës. Lajmin e bëri të ditur vetë Miriam në një lidhje telefonike me emisionin “Pop Culture”. Mesa duket shkak për vonesën e këngës, është partneri i saj Alban Skënderaj, pasi ai po punon shumë ngadalë me përgatitjet e këngës.
“I bëj thirrje zotit Alban Skënderaj të përfundojë tekstin sepse jam duke pritur ende për këngën time të re. Po i bëj presion në mënyrë publike”, – tha me humor Miriami.
Dhe pyetjes së moderatorëve se kush e bën ligjin në shtëpi, këngëtarja u përgjigj: “Varet se për çfarë bëhet fjalë, nga situata. Për disa gjëra duhet ta bëjnë ligjin femrat”.
