Një muaj ditëlindjesh ka qenë ky maj, pasi të famshëm shqiptarë kanë festuar ditëlindjen e fëmijëve të tyre të dashur. Pas Sinan Hoxhës dhe Ermal Fejzullahut, është radha e Vesa Lumës të përgatisë surprizën më të madhe me rastin e ditëlindjes së djalit Lian.
Nesër vogëlushi feston ditëlindjen e tij të dytë dhe mami Vesa po bëhet gati për një surprizë të madhe. Ajo na ka treguar në Instagram disa detaje nga festa që do të zhvillohet. Në video duken disa tullumbace me germat e emrit të Lianit dhe 100 tullumbace shumëngjyrëshe.
Duket se Liani do të gëzohet shumë nga festa që po përgatisin prindërit e tij dhe sigurisht nesër edhe ne do ta shohim gjithçka të përfunduar. Vesa dhe Big Basta jetojnë prej muajsh në Zelandën e Re, ku kanë shkuar për një të ardhme më të mirë.
