Alban Ramosaj ishte i ftuar ditën e sotme në emisionin “Thumb” me Aulonën dhe Fatmën, ku zbuloi planet e familjes Ramosaj-Hadërgjonaj, për të realizuar një reality show në Shqipëri të ngjashëm me atë të “Keeping Up With The Kardashian”. Ashtu si Beatrix, edhe Albani theksoi se problem kryesor mbetet mbështetja nga sponsorat.
“Unë dua shumë ta bëj një gjë të tillë, por ideja është që për ta realizuar duhet të kesh mbështjetjen e një televizioni të madh. Ne jemi edhe shumë të shpërndarë, një në Amerikë, një tjetër në Hollandë. Duhet që të mblidhemi në një vend dhe të lëmë gjithë punët tona. Qejf kam pafund, kam folur edhe me të tjerët. Në fakt, jam një njeri shumë privat, por kur bëhet fjala për gjëra të tilla dua t’i bëj publike, jam shumë ekstremist”, tha këngëtari.
E nëse diçka e tillë do të realizohej, atëherë bëhuni gati për të parë në ekran Albërie Hadërgjonajn, me dy vajzat e saj Anxhelina dhe Agnesa, Beatrix-in, Alban-in e nënën e tyre si dhe këngëtaren Argjentina Hadërgjonaj.
