Për herë të parë, grimieri me origjinë shqiptare Mario Dedivanovic mbajti në kryeqytet, masterclasin e parë të realizuar në këto përmasa. Nën regjinë e Iv Tases, 2000 personat e pranishëm në sallë, arritën të shihnin me detaje të gjitha sekretet dhe mjeshtërinë e make up-it, të cilat Mario vendosi t’i ndajë me të pranishmit.
https://www.youtube.com/watch?v=YUz7cEErU9g
Për grimierin, dita e sotme ishte një ëndërr e kthyer në realitet. Ende pa përfunduar mirë eventi, Mario përfitoi nga koha për të shpërndarë në “Instagram” një pjesë nga ‘The Master Class Albania’.
“Wow wow. Kjo është një ëndërr. Nuk di çfarë të them. Jam më shumë se i nderuar dhe nuk ndjej se e meritoj gjithë këtë. Faleminderit Shqipëri”, – shkruan Mario.
Ndërkohë në sallë, Mario falenderoi të pranishmit, ku 40% prej të cilëve ishin nga Evropa, por edhe nga Amerika, India, Dubai, Izraeli, Egjipti, etj, të cilët udhëtuan drejt Pallatit të Kongreseve për të zbuluar truket e një makijazhi perfekt.
Por edhe përse zgjati përreth tre orë, askush nuk u largua nga salla pa marrë edhe një kujtim nga grimieri i Kim Kardashian. Në rradhë të gjata, ata prisnin për të realizuar një foto me Marion.
Shumë personazhe të njohur në Shqipëri, të botës së modës e make up-it ishin të pranishëm në sallë.
Armina Mevlani -blogere
Erisa Kaçupi – blogere
