Dy ditë më parë ajo publikoi videoklipin e saj më të ri me titull “T’iqja” duke shënuar kështu rikthimin në muzikë pas kaq shumë vitesh.
Për të folur për këtë rikthim, Adelina Ismaili ishte e ftuar “n’Kosovë show” , ku foli edhe për jetën private, djalin Uliks dhe bashkëshortin Vali.
Këngëtarja shqiptare tha se është me fat që ka një bashkëshort si Vali që e do shumë karrierën e saj dhe e nxit të vijojë me muzikën:
“Jam me fat që kam Valin, është motivim. Ai e do karrierën time më shumë se unë. Këtë ta garantoj. Kur flet për atë punë, flet me pasion, me dashuri. Kurse unë kohët e fundit jam Kuku djali, kuku djali”, u shpreh Adelina.
“Vali paska dy të dashura…”, i tha moderatori Shpëtim Desku duke e habitur Adelinën e cila u hutua për një moment dhe e pyeti: “Qysh? Ku i ka bre?”
“Vali ka dy të dashura, edhe Adelinën, edhe karrierën tënde. I dashuron dy në një”, ia kthehu me humor moderatori.
Adelina tregoi edhe historinë e njohjes me Valin në diskotekë, ku ai ishte pronar. Ajo tha se në atë kohë nuk iu duk fare si pronar i diskotekës, megjithatë diva e muzikës tregoi se e ka marrë vetë iniciativën për t’u lidhur me Valin.
